النهارده في القاهرة: إنشاد وزار ومزيكا
Cairo 360
الويك إند بيقرب، وخلاص مستنيين العيد. بس قبل العيد والكحك، تعالوا نعرف الخروجات الحلوة اللي بتوفرها لنا القاهرة النهارده من أجندة كايرو 360:
فرقة “سلطان العارفين“، بقيادة المنشد السوري أحمد سليمان. هتقدم حفلة إنشاد ديني على المسرح المكشوف في دار الأوبرا المصرية. الحفلة هتبدأ الساعة 9:30 مساءً. وسعر التذكرة: 35 جنيه.
فرقة “مزاهر” هتقدم عرض الزار المصري في مكان. وهو نوع من الفن قائم بشكل أساسي على المرأة. الحفلة هتبدأ الساعة 9 مساءً. وسعر التذكرة: 40 جنيه.
في علبة ألوان في الزمالك هيكون ميعادنا مع حفلة غنائية هيحييها فريق “مسيرة نحو المجهول“. وده فريق بيقدم المزيكا مصحوبة بعروض فنية مختلفة. الحفلة هتبدأ الساعة 10 مساءً. وسعر التذكرة: 50 جنيه.
“مشروع زاهد” هييحي حفلة إنشاد صوفي، على الموسيقى الشرقية، في علبة ألوان. الحفلة هتبدأ الساعة 9 مساء.
يومكم لذيذ.