الحياة في كايرو
النهارده في القاهرة: ابتهالات دينية وزار وعرض سينما مجاني
النهارده في القاهرة خروجات
بواسطة
Cairo 360
عايزين تعرفوا خروجات النهارده؟ هتلاقوها في أجندة كايرو 360:
فرقة سلطان العارفين هتقدم مجموعة من الأناشيد والابتهالات الدينية، على مسرح النهر في ساقية الصاوي. الحفلة هتبدأ الساعة 7:30 مساءً. وسعر التذكرة: 35 جنيه.
في سينما دال في وسط البلد، هنشوف الفيلم الكوري “Oldboy“. اللي بيدور عن راجل اتخطف وفضل في الأسر لمدة 15 سنة. وبعد ما يخرج بيبدأ رحلة البحث عن اللي ورا خطفه. العرض هيبدأ الساعة 7:30 مساءً. والدخول مجانًا.
أما في مكان، هنتفرج على عرض الزار والفنون الشعبي وأغاني الفلكلور. اللي هتقدمهم فرقة مزاهر. الحفلة هتبدأ الساعة 8 مساءً. وسعر التذكرة: 40 جنيه.
يومكم جميل.