The Definitive Guide to Living in the Capital , Cairo , Egypt

الحياة في كايرو

النهارده في القاهرة: اتمزج بأغاني إيمان البحر.. وغني بنفسك كاريوكي

النهارده في القاهرة: اتمزج بأغاني إيمان البحر.. وغني بنفسك كاريوكي
بواسطة
Cairo 360

الواحد لما يحب يتسلطن بيسمع أغاني، والنهاردة يوم مليان مزيكا. يلا نعرف تفاصيله من أجندة كايرو 360:

مهرجان القلعة للموسيقى والغناء، في قلعة صلاح الدين، هيستضيف النهاردة الفنان إيمان البحر درويش. وهيكون قبله فريق ويف جاز باند. الحفلة هتبدأ الساعة 8 مساءً. وسعر التذكرة: 5 جنيه.

بلكون هليوبوليس في مصر الجديدة، هتعرض فيلم “The Last Family” اللي بيدور عن رسام معروف، وابنه الناقد الموسيقي، وزوجته. وحياتهم اللي بتحصل فيها مواقف صعبة كتيرة. العرض هيكون الساعة 8 مساءً وسعر التذكرة: 25 جنيه.

غني وطلع مواهبك المدفونة مع أصحابك، في حفلة كاريوكي عاملاها مساحة رووم، في جاردن سيتي. الحفلة هتبدأ الساعة 7:30 مساءً. وسعر التذكرة: 50 جنيه.

سهرة سعيدة.

مقترح