النهارده في القاهرة: احتفل مع ساقية الصاوي واسمع علي الحجار
Cairo 360
يا دوب نبدأ الأسبوع من هنا، نلاقي الويك إند قرب علينا من هنا. الظاهر فعلًا الوقت الحلو بيعدي بسرعة، وأكيد اللي بيحليه هو أجندة كايرو 360. تعالوا نشوف مخبية إيه النهارده:
على مسرح الحكمة في ساقية ميعادكم مع حفلة غنائية مميزة بيحييها الفنان على الحجار. وده من ضمن فعاليات احتفالية الساقية بمرور 14 سنة على تأسيسها. الحفلة هتبدأ الساعة 9 مساءً. وسعر التذكرة بيبدأ من 70 جنيه.
نروح لمركز أوزيريس في جاردن سيتي. واللي هيعرض الفيلم الوثائقي “عن يهود مصر”، للمخرج أمير رمسيس. الفيلم بيتكلم عن تاريخ الطائفية اليهودية في مصر على مدار النصف الأول من القرن العشرين، لحد وصول الرئيس جمال عبد الناصر للحكم. العرض هيبدأ الساعة 7 مساءً. وسعر التذكرة: 25 جنيه.
نرجع تاني للساقية مع “معرض الساقية للخدمات الثقافية”. وهو معرض بيتم من خلاله التعرف على ثقافات شعوب العالم المختلفة. من خلال العادات والتقاليد والأزياء والأكل وغيرهم. المعرض هيكون مقام النهارده وبكرة، وبيبدأ الساعة 4 عصرًا. الدخول مجانًا.
نكمل في سكة الثقافة، بس المرة دي في اللغات. وده هنلاقيه في مقهى رووم اللغوي. في رووم آرت سبيس في الزمالك. المقهى قايم على فكرة تعلم اللغات المختلفة من أهلها. وبيوفر لغات: إنجليزي – أسباني – عربي – فرنسي – ألماني. التجمع هيبدأ الساعة 7 مساءً.
استمتعوا.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
