The Definitive Guide to Living in the Capital , Cairo , Egypt

الحياة في كايرو

النهارده في القاهرة: استمتع بسحر التراث الإفريقي مع مشروع لوبيريا

النهارده في القاهرة: استمتع بسحر التراث الإفريقي مع مشروع لوبيريا
بواسطة
Cairo 360

مفيش أحلى من الخروجات اللي بتعدل المزاج، وتظبط دماغ الواحد. تعالوا نشوف إيه خروجات القاهرة النهارده:

من قلب إفريقيا، “مشروع لوبيريا” جي علشان يحيي التراث الإفريقي، بحفلة غنائية على مسرح الحكمة في ساقية الصاوي. الحفلة هتبدأ الساعة 8 مساءً. سعر التذكرة: 25 – 30 جنيه.

درب 1718، بالتعاون مع سينما زاوية، هيعرض فيلم “أوضة الفيران”. واللي بتدور قصته عن 6 شخصيات مختلفة في الإسكندرية، وكل واحدة فيهم بتعيش مخاوف خاصة بها. العرض هيبدأ الساعة 8 مساءً. الدخول مجانًا.

فرقة التخت العربي بقيادة ياسر معوض، هتقدم حفل موسيقي على مسرح الجمهورية. الحفلة هتبدأ الساعة 8 مساءً. وسعر التذكرة من 25 لـ 75 جنيه.

أما رووم آرت سبيس في الزمالك، هتعرض الفيلم الفرنسي “The Barbarian Invasions”. وده بيدور عن شخص في نهاية حياته، بيحاول يقرب من كل أصحابه ومعارفه من جديد. العرض هيبدأ الساعة 8 مساءً. وسعر لتذكرة: 30 جنيه.

يومكم سعيد.

مقترح