النهارده في القاهرة: اسمع أجمل أغاني ديزني مع فابريكا في الساقية
Cairo 360
كل يوم جديد بيجيب معاه تفاصيل وأحداث جديدة. وطبعًا لازم يجيب معاه خروجات وفسح جديدة برضه. تعالوا نشوف إيه الجديد في أجندة كايرو 360:
فرقة فابريكا هتقدم حفلة موسيقية على مسرح النهر في ساقية الصاوي. والحفلة هتكون عبارة عن باقة من أشهر أغاني ديزني الخاصة بالأطفال. هتبدأ الساعة 7 مساء. وسعر التذكرة: 35 – 40 جنيه.
في وكالة الغوري، هنشوف فرقة التنورة التراثية، وهي بتقدم عرض الموسيقى الشعبية والتنورة الصوفية. وده نوع من الرقص مستوحى من التراث. الحفلة هتبدأ الساعة 7:30 مساء. وسعر التذكرة: 5 جنيه.
سينما مجنوليا في الزمالك هتعرض الفيلم الفرنسي “Dheepan”. واللي بيحكي من “ديبان” محارب من سيريلانكا، بيحارب علشان يحصل على حريته، وقت الحرب الأهلية. ولما بيحس إن الهزيمة قربت، بيقرر الهروب لأوروبا. العرض هيبدأ الساعة 7 مساءً. والدخول مجانًا.
أما بلكون هليوبوليس في مصر الجديدة، هيعرض الفيلم الإيطالي “Fire at Sea”. الفيلم بيصور شكل الحياة في جزيرة “لامبيدوزا” الإيطالية، وقت أزمة المهاجرين الأوروبيين. العرض هيبدأ الساعة 8 مساءً. سعر التذكرة: 25 جنيه.
يلا جهزوا نفسكم ليوم مليان انبساط.
مقترح
معالم وسياحة
90 دقيقة من القاهرة.. أجمل 7 أماكن في الفيوم هيغيروا موودك
أجمل أماكن الفيوم الفيوم +4
تسوق
