The Definitive Guide to Living in the Capital , Cairo , Egypt

آخر أسبوع قبل العيد ما يبدأ، وعايزين ندخل أكتر في مود الفرفشة، علشان نستعد لخروجات العيد. يلا نشوف الجديد النهارده من أجندة كايرو 360:

جرامافون في المعادي هيستضيف فرقة “فبريكة” في حفلة غنائية مختلفة. وده لأنهم باند بيغني أغاني عربية بألحان غربية، وبيحاولوا بأغانيهم يحاربوا أي فساد في المجتمع. الحفلة هتبدأ الساعة 8 مساءً. وسعر التذكرة: 30 جنيه.

في رووم آرت سبيس، هيكون ميعادكم مع فيلم Night on Earth. الفيلم بيقدم 5 قصص مختلقة، لخمس سائقين تاكسي، في 5 مدن مختلفة. العرض هيكون الساعة 8:30 مساءً. وسعر التذكرة: 35 جنيه.

على مسرح الهوسابير في وسط البلد، فرقة حسين محمود للفنون المسرحية، هتقدم مسرحية “الرخص كله“. العرض هيبدأ الساعة 8 مساءً. وسعر التذكرة: 25 جنيه.

انبسطوا.