The Definitive Guide to Living in the Capital , Cairo , Egypt

يوم ورا يوم بيعدي، بكل أحداثه المختلفة. منها الحلو ومنها اللي مش قد كده. بس مع أجندة كايرو 360، أكيد كل أيامك هتكون حلوة. تعالوا نشوف إيه الجديد فيها النهارده:

فرقة “شوراعنا” هتقدم النهارده حفلة غنائية على مسرح النهر في ساقية الصاوي. وهي فرقة إسكندرانية بدأت عروضها عام 2009. وكانوا بيقدموا عروض غنائية بالإضافة للأداء المجسد باستخدام الحركات وتعبيرات الوجه. الحفلة هتبدأ الساعة 7 مساءً. وسعر التذكرة: 25 – 30 جنيه.

مركز بلكون هليوبوليس في مصر الجديدة، هيعرض الفيلم الدنماركي “Land of Mine”. وبيدور عن مجموعة من أسرى الحرب الألمان في الدنمارك. بيتم إجبارهم على استخراج آلاف الألغام، المدفونة على أحد الشواطيء. العرض هيبدأ الساعة 8 مساءً. سعر التذكرة: 25 جنيه.

على مسرح الحكمة في ساقية الصاوي، فرقة “سوا” هتقدم مسرحية “خلصانة بشياكة”. اللي بتدور عن موظف حكومي بتموت أحلامه وسط روتين الحياة. لحد ما يظهر شخص يغير كل حياته. العرض هيبدأ الساعة 7 مساءً. سعر التذكرة: 25 – 30 جنيه.

أما لو عايز تطلَع الفنان اللي جواك، وتاخد فرصتك في الغناء. يبقى جهز نفسك مع أصحابك لحلفة كاريوكي في رووم آرت سبيس في الزمالك. الحفلة هتبدأ الساعة 7:30 مساءً. سعر التذكرة: 50 جنيه.

Enjoy to the max