The Definitive Guide to Living in the Capital , Cairo , Egypt

خروجة كل يوم هي اللي بتظبط اليوم. ودي خروجات النهارده من أجندة كايرو 360، زي ما اتعودنا عليها.

مركز دوار في وسط البلد عامل حفلة للرقص الحر. وفيها المشتركين هيرقصوا بشكل عشوائي في أفراد أو جماعات، على موسيقى الروك والبلوز، وأنواع مختلفة تانية. الحفلة هتبدأ الساعة 7:30 مساءً. وسعر التذكرة: 30 – 50 جنيه.

جرامافون المعادي هيستضيف حفلة غنائية لفريق “استابينا“. الفريق بيضم أعضاء من جنسيات مختلفة. وبيقدم أغاني تراثية وشعبية من كل البلاد. الحفلة هتبدأ الساعة 8 مساء. سعر التذكرة: 50 جنيه.

عرض الزار والأغاني الشعبية، هتقدمه فرقة مزاهر في مكان. والزار البلدي نوع من الفن القائم بشكل أساسي على المرأة. الحفلة هتبدأ الساعة 8 مساءً. وسعر التذكرة: 40 جنيه.

أما سينما دال، ومن مقرها الجديد في وسط البلد، هتعرض فيلم “Live Flesh“. الفيلم بيدور عن “فيكتور” اللي لسه خارج من السجن، وبيدور على حبيبته “إلينا”. بس هي اتجوزت الشرطي اللي دخل السجن بسببه. العرض هيبدأ الساعة 7:30 مساءً. الدخول مدجانًا.

سهرة سعيدة.. وماتنسوش تتابعوا الأفلام الجديدة في السينما النهارده، من كايرو 360.