The Definitive Guide to Living in the Capital , Cairo , Egypt

رغم إن الجو اليومين دول عمال يجيب ويودي فينا، مابين شوية حر وشوية برد. بس برضه هنخرج وهنكسر الروتين والملل بحفلات أجندة كايرو 360. تعالوا نعرف إيه اللي فيها:

على مسرح النهر في ساقية الصاوي، هتحيي عازفة الهارب، الفنانة المصرية منال محيي الدين، حفلة موسيقية بمصاحبة مجموعة أنامل شرقية. وهتقدم خلال الحفلة مجموعة من أشهر الأعمال العربية والعالمية لأشهر المؤلفين الموسيقيين. الحفلة هتبدأ الساعة 7:30 مساءً. وسعر التذكرة: 45 – 50 جنيه.

إحنا لسه في الساقية، بس من مسرح الحكمة. اللي هيستضيف فرقة “يوتوبيا”، اللي هتقدم العرض المسرحي “فيمنست”.  العرض هيبدأ الساعة 6:30 مساءً. سعر التذكرة: 15 – 20 جنيه.

بلكون هليوبوليس في مصر الجديدة، هيعرض الفيلم الألماني “Toni Erdmann”. وبيدور عن أب بيقرر أنه يسافر يشوف بنته، اللي عايشة لوحدها سنين طويلة بعيد عنه. العرض هيبدأ الساعة 7:30 مساء.وسعر التذكرة: 25 جنيه.

يومكم سعيد.