The Definitive Guide to Living in the Capital , Cairo , Egypt

الحياة في كايرو

النهارده في القاهرة: زار وطبلة ومسرح وأفلام.. خلصانة بمزاج

النهارده في القاهرة: زار وطبلة ومسرح وأفلام.. خلصانة بمزاج
بواسطة
Cairo 360

خلاص داخلين بكرة في أجازة العيد، وخروجاته وحفلاته. بس ده ما يمنعش قبلها نلحق كده كام خروجة حلوة في سهرات القاهرة. يلا نعرفها من أجندة كايرو 360:

فرقة مزاهر هتقدم النهارده عرض الزار الصعيدي في مكان. والزار ده واحد من الفنون الشعبية، اللي بتحتل فيها المرأة دور أساسي. الحفلة هتبدأ الساعة 8 مساءً. وسعر التذكرة: 40 جنيه.

سينما مجنوليا في الزمالك، هتختم عروض أغسطس، بليلة عرض لمجموعة من الأفلام القصيرة، من بلاد مختلفة. العرض هيبدأ الساعة 7:30 مساءً. وسعر التذكرة: 25 جنيه.

النهاردة اليوم الثالث والأخير من عرض مسرحية “التجربة الدنماركية“، في علبة ألوان. المسرحية الكوميدية اللي بتقدمها فرقة “عالم موازي”، بتدور عن شاب بيسعى لتحقيق حلمه. لكنه بيصطدم بالواقع ويقابل مشاكل كتيرة. العرض هيبدأ الساعة 7 مساءً. وسعر التذكرة: 50 – 60 – 70 جنيه.

لو بتحب الطبلة وإيقاعاتها، رانيا عمرو مستنياك في جرامافون المعادي، في “دايرة الطبول“. الحفلة هتبدأ الساعة 8 مساءً. وسعر التذكرة: 40 جنيه.

كل سنة وانتم طيبين.

مقترح