The Definitive Guide to Living in the Capital , Cairo , Egypt

بداية جديدة لأُسبوع جديد .. نبتديه بحماس وطاقة مع مفاجآت وأحداث أجندة كايرو 360 النهارده:

النهارده من الساعة  7 “سينما زاوية”  هتقدم مجموعة أفلام “ريد ستار” واللي هيتعرض فيها أفلام “النحت في الزمن” و “شوكة وسكينة” من بطولة آسر ياسين و”متعلاش عن الحاجب”.

كمان درب 1718 هيعرض الفيلم الجزائري “طبيعة الحال“. العرض هيبدأ من الساعة 8، وسعر التذكرة : ٣٠ جنيه.

سهرة النهارده هتكون “بلوز ميوزيك” مع الفنان “هشام بلوز” في “علبة ألوان”. سعر التذكرة: 100 جنيه شاملة مشروب. السهرة هتبدأ من 8 مساءً.

الساعة 7 افتتاح المعرض الفني “حلوة يا بلدي” للفنانتين “جيهان ماهر” و”حنان يوسف” النهارده في “جاليرى جرانت” في وسط البلد. المعرض مستمر يوميًا لحد 27 إبريل.

ماتنسوش تتابعوا أجندة كايرو 360 يومياً، هتلاقوا كل أحداث كايرو فيها. تقدروا تدخلوا على أجندتنا من هنا.