النهارده في القاهرة: سينما ورقص وأغاني.. الفن يسيطر
Cairo 360
صباح الفل على الناس الحلوة. مع بداية الأسبوع ملاحظين إن الجو بدأ يظبط شوية بعد يومين البرد اللي فاتوا. يا رب يكمل بالشكل الحلو ده، ونعرف نستمتع بأجندة كايرو 360. تعالوا نشوف محضرة لنا إيه:
علبة ألوان النهارده هتعرض فيلم “اشتباك” للمخرج محمد دياب. وبتدور أحداثه في سيارة ترحيلات خاصة بالشرطة. لما بيتجمع عدد من المعتقلين من اتجاهات سياسية وبيئات مختلفة في نفس المكان. وده كان أثناء الاضطرابات اللي حصلت في عهد الرئيس الأسبق محمد مرسي. العرض هيبدأ الساعة 8 مساءً. وسعر التذكرة: 50 جنيه.
نروح لمساحة رووم في الزمالك اللي بتعرض فيلم “الرجل وراء العرش”، وبعدها عرض لمصصم الرقصات فينسينت باترسون. وده ضمن فعاليات مهرجان “خمسة رقص”، اللي بينظمه مركز القاهرة للرقص المعاصر. العرض هيبدأ الساعة 8. وسعر التذكرة: 25 جنيه.
فرقة “الخان” بتقدم النهارده حفلة غنائية في قاعة النهر بساقية الصاوي. الحفلة هتبدأ الساعة 7:30 مساءً. سعر التذكرة: 25 – 30 جنيه.
وأخيرًا، النهارده هيكون حفل توقيع كتاب “مايصحش كدا” للفنان حسن خضر. الحفل هيكون في القاعة الرئيسية بمؤسسة روزاليوسف، الساعة 5 مساءً. هيقدم الحفل الكاتب جمال بخيت. والدعوة عامة.
يلا اختاروا شكل انبساطكم النهارده.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
