Cairo 360
يوم جديد وأسبوع جديد، يبقى لازم خروجه جديدة تليق.. وفي أجندتنا هتلاقي كل المفيد، تعالى نشوف خروجتنا على فين النهارده:
ضمن فعاليات مهرجان القلعة الدولي للموسيقى والغناء في دورته الـ 28. الفنان “محمد عدوية” هيقدم حفلة جديدة. أسعار التذاكر لكل الحفلات موحدة: 20 جنيه.
سهرة النهارده هتكون في رووم آرت سبيس (فرع التجمع) مع حفلة من أغاني “لينكين بارك” و”بينك فلويد” مع “Paranoid Eyes” باند. سعر التذكرة 100 جنيه. أما رووم جاردن سيتي فهيكون فيها سهرة “كاريوكي” هتختاروا فيها الأغنية اللي بتحبوها وهتمسكوا المايك وتغنوا مع أصحابكم على المسرح. سعر الدخول: 50 جنيه + حد أدني مشروب للفرد.
الساعة 7 هيكون معادنا مع فرقة “مشروع م” المسرحية علشان نتفرج على العرض المسرحي “كولوريتو” على مسرح ستديو ناصبيان (الچيزويت) في الفجالة. سعر التذكرة: 30 جنيه.
قول اللي في نفسك فيه، واللي يخطر على بالك في فقرة “الأوبن مايك” في أفريكايرو النهارده الساعة 8 . رسوم الدخول: 50 جنيه.
ما تنسوش تستكشفوا القاهرة وجمالها من خلال أجندة أحداثها وفعالياتها اللي هتلاقوها على كايرو 360 من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
