The Definitive Guide to Living in the Capital , Cairo , Egypt

صباح جديد هتقولك فيه أجندة كايرو 360 هتخرج فين النهارده:

“ريتش آوت آكاديمي” هتعرض الفيلم الألماني “Jugend ohne gott“. الفيلم مترجم للعربي.  سعر التذكرة: 30 جنيه. الفيلم هيبدأ الساعة 5 مساءً.

المدربة “ندى الشاذلي” هتقدم “جلسة التأمل الأسبوعية” في “دوار”. تكلفة الجلسة: إدفع اللي تقدر عليه. الجلسة هتبقى لمدة ساعة من 7 لـ 8.

“مهرجان سور الأزبكية النصف سنوي للكتاب” لسه مستمر معانا. الفعاليات بتبدأ من الساعة 9 صباحاً لحد الساعة 11 مساءً.

O2 ميديا برودكشن بالتعاون مع TYT هيقدموا “ورشة تعليم كتابة القصة” مع المدرب “محمد إسماعيل”. تكلفة الدورة: 1200 جنيه. الورشة هتبدأ الساعة 5.

“بروهلفتسيا القاهرة” بالتعاون مع مركز “الهناجر للفنون” في دار الأوبرا هتقدم العرض المسرحي “أيام صفراء“. العرض هيبدأ الساعة 8.

ماتنساش تدخل على أجندة كايرو 360 من هنا علشان تلاقي أحداث أكتر.