النهارده في القاهرة: عود ومسرح وأفلام وأغاني
Cairo 360
مجموعة جديدة من الأنشطة الفنية والثقافية كلها هتحصل النهارده في العاصمة، هتعرفوها كلها من أجندة كايرو 360:
عازف العود العراقي يوسف عباس، هيقدم حفلة موسيقية في مكان. وعباس فنان عراقي جه القاهرة علشان يتعلم العود سنة 2009. شارك في مهرجانات وحصل على جوائز كتيرة. الحفلة هتبدأ الساعة 8 مساءً. وسعر التذكرة: 40 جنيه.
في رووم آرت سبيس ميعادنا مع حفلة الكاريوكي الأسبوعية. واللي فيها بتطلع كل مواهبك الغنائية الدفينة. الحفلة هتبدأ الساعة 8 مساءً.
سينما الزمالك هتعرض الفيلم الإيطالي الشهير “Perfect Strangers“. الفيلم بيدور عن مجموعة أصحاب بيقرروا في ليلة، إنهم يقروا رسائل وإيميلات بعض. وبيكتشفوا أسرار عن كل واحد، ماكانوش يعروفها قبل كده. العرض هيبدأ الساعة 7 مساءً.
نروح لرووم آرت سبيس تاني، اللي هتستضيف العرض المسرحي “نملسة“. وهو من طراز الكوميديا السوداء. العرض هيبدأ الساعة 8 مساءً، وهيكون النهارده وبكرة. سعر التذكرة: 50 جنيه.
انبسطوا.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
