الحياة في كايرو
النهارده في القاهرة: غالية بن علي في الأوبرا وعروض أفلام وورش مزيكا
النهارده في القاهرة خروجات
بواسطة
Cairo 360
الجو النهارده جميل، فرصة حقيقية للخروج والاستمتاع بهوا القاهرة المنعش، والخروج يحلى مع حفلات العاصمة.. تعالوا نعرف هنخرج فين النهارده في القاهرة.
الفنانة غالية بن علي هتقدم حفلة غنائية على المسرح المكشوف، في دار الأوبرا المصرية. الحفلة هتبدأ الساعة 8 مساءً. وسعر التذكرة: 75 جنيه.
لكل اللي بيحبوا لعب الجيتار، جرمافون عاملة ورشة تعليم الجيتار للمبتدئين. الورشة هتبدأ الساعة 7 مساءً. وتكلفتها: 600 جنيه.
أما سينما مجنوليا في الزمالك، هتعرض فيلم “The Breadwinner“. الفيلم بيدور عن بنت أفغانية بيتقبض على والدها بالغلط، في فترة حكم طالبان للبلاد. وده بيدخلها في تحديات مختلفة. العرض هيبدأ الساعة 7 مساءً. وسعر التذكرة: 25 جنيه.
انبسطوا.