النهارده في القاهرة: ليلة على الطريقة الصوفية مع فرقة التنورة التراثية
Cairo 360
صباح الفل والجمال والنشاط. كالعادة كده نبدأ اليوم بمواعيد وأماكن الحفلات، اللي هانختم بها اليوم برضو. اللي هو ودنك منين يا جحا. تعالوا نعرف أجندة كايرو 360 النهارده فيها إيه:
نبدأ كده بداية صوفية مختلفة، مع عرض التنورة اللي هتقدمه فرقة التنورة التراثية في وكالة الغوري. الفرقة بتقدم عرض التنورة الراقص، المستوحى من الطرق الصوفية والتراثية الجميلة. العرض هيبدأ الساعة 7:30 مساءً. وسعر التذكرة: 5 جنيه.
فرقة “الميماتية” هتقدم عرض البانتومايم المسرحي “البحث عن وظيفة”، على مسرح أوبرا ملك. البانتومايم هو فن قايم على العرض عن طريق الإيحاء، بدون كلام. العرض هيبدأ الساعة 6 مساءً. والدخول مجانًا.
سينما زاوية في وسط البلد هتعرض الفيلم الكندي “حرائق”. اللي بيدور عن آخر أمنيات أم في إرسال أولادها التوأم، في رحلة للشرق الوسط. علشان يدوروا على أصولهم. العرض هيبدأ الساعة 6:30 مساءً. وسعر التذكرة: 35 جنيه.
أما بلكون هليوبوليس في مصر الجديد، هيعرض الفيلم الفرنسي ” Divines”. الفيلم بيدور عن بنت في سن المراهقة عايشة في أحد ضواحي باريس، بتدخل في عالم المخدرات. لحد ما تقابل شخص بيغير مجرى حياتها. العرض هيبدأ الساعة 8 مساءً. سعر التذكرة: 25 جنيه.
انبسطوا على الآخر.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
