الحياة في كايرو
النهارده في القاهرة: مش بس أغاني.. كمان شعر وأدب وضحك للركب
بواسطة
Cairo 360
الأسبوع بيجري، وخلاص قربنا من الويك إند. بس قبله تعالوا نشوف النهارده القاهرة مخبية لنا إيه من الخروجات والفسح:
فرقة “جنان” هتقدم حفلة غنائية، على مسرح الحكمة في ساقية الصاوي. الفرقة بتقدم موسيقى الروك البديل، واللي ممزوج بألوان موسيقية تانية. الحفلة هتبدأ الساعة 8 مساءً. وسعر التذكرة: 45 – 50 جنيه.
الضحك هيبقى للركب، مع فريق “الحزب الكوميدي“، في باب 18. الفريق هيقدم عرض كامل من الكوميديا والضحك. العرض هيبدأ الساعة 8:30 مساءً. وسعر التذكرة: 60 جنيه.
أما في علبة ألوان، فكل واحد قدامه الفرصة إنه يطلع مواهبه في الشعر والأدب، مع “مشروع كلمة“. الأمسية هتبدأ الساعة 7 مساءً. وسعر التذكرة: 75 جينه.
ونختم بفرقة “مزاهر“، اللي هتقدم عرض الزار والأغاني الشعبية في مكان. العرض هيبدأ الساعة 8 مساءً. وسعر التذكرة: 40 جنيه.
انبسطوا.
مقترح
معالم وسياحة
موضوع مميز
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
موضوع مميز
