The Definitive Guide to Living in the Capital , Cairo , Egypt

كالعادة أجندة كايرو 360 فيها خروجات بتناسب كل الأذواق. يلا نعرف خروجات النهارده هتبقى فين:

شارع المعز في الحسين، هيستضيف حفلة راب جامدة جدًا. هيحييها فريق الزاوية 90، وهيكون فيها منافسة بين كل اللي بيغنوا راب. والجمهور هيحدد مين الفائز. الحفلة هتبدأ الساعة 8 مساء.

فريق ناصر المزداوي هيقدم حفلة غنائية على مسرح الجنينة. وبيشاركه فيها فريق دكان. الحفلة هتبدأ الساعة 9:30 مساء. وسعر التذكرة: 30 جنيه.

 

برعاية صندوق التنمية الثقافية، فريق “شباب لايف” هيحيي حفلة غنائية في قصر الأمير طاز، بحي الخليفة. الحفلة هتبدأ الساعة 9:30 مساء.

أما في ساقية الصاوي، ميعادنا مع الفنان شريف أبو العلا، وحفلة غنائية هيقدمها على مسرح الحكمة. الحفلة هتبدأ الساعة 9:30 مساء. وسعر التذكرة: 25 – 30 جنيه.

يومكم جميل.