النهارده في القاهرة: من السعودية والمغرب ومصر.. شوية أغاني على كيفك
Cairo 360
صحيح شهر يوليو مش عايز يخلص، بس الأسبوع بيخلص وداخلين على الويك إند. وفي كل الأحوال عندنا النهارده خروجات كتيرة، من أجندة كايرو 360:
الفنانة المغربية أم الغيث، وشهرتها “أم”، هتحيي حفلة غنائية على مسرح الجنينة في الأزهر بارك. هتقدم فيها مزيج من موسيقى الجاز والسول. الحفلة هتبدأ الساعة 8:30 مساءً. وسعر التذكرة: 50 جنيه.
فندق فورسيزونز هيكون فيه حفلة غنائية للفنان محمد عبده. الحفلة هتبدأ الساعة 11 مساءً. وسعر التذكرة بتبدأ من: 4000 جنيه.
فرقة مزاهر هتقدم عرض الزار والأغاني الشعبية في مكان. والزار ده فن بتاخد فيه المرأة دور أساسي. العرض هيبدأ الساعة 8 مساءً. وسعر التذكرة: 40 جنيه.
كل عشاق مسلسل Game of Thrones، لهم سهرة خاصة في ييلو أمبريلا في المعادي. علشان هيتم عرض حلقة 1 و2 من المسلسل. العرض هيبدأ الساعة 8 مساءً. وسعر التذكرة: 30 جنيه.
نتمنى لكم سهرة سعيدة.