النهارده في القاهرة: ندوة عن كوكب الشرق وأفلام وورشة إزاي تشتغل سفير
Cairo 360
خلاص العداد بيعد، وفبراير بيقول باي باي. بس أجندة كايرو 360 عمرها ما بتقول كده. تعالوا نشوف إيه اللي جايباه لنا معاها النهارده:
ساقية الصاوي النهارده بتستضيف ندوة بعنوان “كوكب الشرق.. أسطورة لم تتكرر”. هتتكلم عن قصة حياة أم كلثوم، وبداياتها في عالم الغناء. والفنانين والملحنين اللي اشتغلت معاهم على مدار مشوارها الفني. الندوة بيقدمها الدكتور زين نصار، والدكتور أشرف عبد الرحمن. هتبدأ الساعة 6 مساءً والدخول مجانًا.
بلكون هليوبوليس في مصر الجديدة، بيعرض الفيلم الفرنسي “Elle”. اللي بيدور عن سيدة أعمال ناجحة، بتتعرض للاغتصاب. وبتدخل في دوامة البحث عن الشخص اللي ارتكب الجريمة دي. العرض هيبدأ الساعة 7:30 مساءً. وسعر التذكرة: 25 جنيه.
ومن مركز الإبداع الفني، في دار الأوبرا المصرية، برنامج “أسبوع الأفلام اليابانية” بيعرض أفلام: دموع الكرمة – ملعقة فضة. العرض هيبدأ الساعة 5:30 مساءً. والدخول مجانًا.
نروح لتحرير لاونج جوتة، في وسط البلد، واللي هيكون محضر لنا فعالية “مطلوب سفير”. واللي هدفها تقديم محاضرات لتسهيل العمل بالسفارات والسلك الدبلوماسي. هيقدم المحاضرة الدكتور جمال عليش، استاذ القانون الدولي، والخبير البرلماني في الأمم المتحدة. والمحاضرة هتبدأ الساعة 5 مساءً.
يا رب تنبسطوا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
