النهارده في القاهرة: هتشوف فلكلور إسباني وتغني مع أصحابك بصوت عالي
Cairo 360
إحنا مش بس لو بطلنا نحلم نموت، زي ما قال منير. ده لو بطلنا نخرج كمان. تعالوا نشوف هنخرج فين النهارده في القاهرة من أجندة كايرو 360:
الفنانة منى بوركهارد هتقدم حفلة فلكلور إسباني، على المسرح المكشوف في دار الأوبرا المصرية. العرض هيكون فيه أغاني ورقصات مختلفة. الحفلة هتبدأ الساعة 8 مساءً. وسعر التذكرة: 75 جنيه.
غني مع أصحابك وطلع كل مواهبك، في حفلة كاريوكي في رووم آرت سبيس. الحفلة هتبدأ الساعة 7:30 مساءً. وسعر التذكرة: 50 جنيه.
بلكون هليوبوليس في مصر الجديدة، هتعرض فيلم “Closet Monster“. الفيلم بيدور عن مراهق بيحاول بكل الطرق إنه يهرب من البلد اللي عايش فيها. العرض هيبدأ الساعة 8 مساءً. وسعر التذكرة: 25 جنيه.
أما قاعة النهر في ساقية الصاوي، هيكون فيها معرض للكتاب. وكمان حفلات توقيع وورش مختلفة. المعرض مستمر لحد يوم 12 أغسطس. والدخول مجانًا من 10 صباحًا.
انبسطوا.
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
