The Definitive Guide to Living in the Capital , Cairo , Egypt

أنتم متخيلين إن شهر يوليو خلص وبدأنا أغسطس؟ دي في حد ذاتها مناسبة تستاهل إننا نخرج وننبسط علشانها. شوفوا الجديد في حفلات النهارده من أجندة كايرو 360:

عازفة الطبول، الفنانة رانيا عمرو، هتقدم حفلة دايرة الطبول في جرامافون في المعادي. وفيها الكل بيطلع كل مواهبه في الطبلة، وكمان في اللي بيتعلم. الحفلة هتبدأ الساعة 8 مساءً. وسعر التذكرة: 40 – 50 جنيه.

فرقة مزاهر هتقدم عرض الزار والأغاني الشعبية في مكان.  والزار في مصر في منه 3 أنواع: زار مصري – زار أبو الغيط – زار سوداني. الحفلة هتبدأ الساعة 8 مساءً. وسعر التذكرة: 40 جنيه.

علبة ألوان في الزملك، هتستضيف حفلة غنائية للفنانة نوران أبو طالب. الحفلة هتبدأ الساعة 8 مساءً. وسعر التذكرة: 60 جنيه.

مسرح العرائس في الساقية، هيقدم مسرحيتين: صديق النمل – يوسف وسره الكبير. العرض هيكون على مسرح الحكمة، وهيبدأ الساعة 6 مساءً. سعر التذكرة: 20 جنيه.

يومكم بيضحك.