النهارده في القاهرة: وجبة فنون كومبو.. إكسترا مسرح وأفلام
Cairo 360
يوم جديد في كايرو. طبعًا فيه الروتين المعتاد من شغل ومشاوير وغيرهم. وحاجات ممكن تحسسك بشوية ملل. بس على مين؟ طول ما أجندتنا موجودة انسى إن الملل يعرف لك طريق. علشان الجديد دايمًا فيها موجود. تعالوا كده نشوف عندنا إيه النهاردة.
فرقة مزاهر هتقدم عرض الزار في المركز المصري للثقافة والفنون “مكان”. والزار هو شكل من الأشكال الموسيقية اللي بتحتل فيه المرأ دور أساسي. العرض هيبدأ الساعة 8 مساء. سعر التذكرة: 30 جنيه.
ندخل بقى في جو المسرح مع مسرحية “حل الضفاير” في المعهد العالي للفنون المسرحية بالهرم. العرض بيتكلم عن الاهتمامات والمشاكل الاجتماعية للشباب المصري بشكل كوميدي. هيبدأ الساعة 7 مساءً والدخول مجانًا.
أما عشاق الأفلام فمعادهم مع الفيلم الروائي “في يوم” للمخرج كريم شعبان في سينما زاوية. العرض هيبدأ الساعة 7 مساءً وهيستمر حتى الثلاثاء 13 ديسمبر. سعر التذكرة: 35 جنيه. والنهاردة هيكون في نقاش مفتوح مع مخرج الفيلم بعد العرض.
نختم جولتنا بغذاء الروح مع عرض التنورة اللي بتقدمه فرقة التنورة التراثية في وكالة الغوري. النوع ده من الرقض قائم على حركات دائرية مستوحاة من التراث الصوفي. العرض هيبدأ الساعة 7. سعر التذكرة: 5 جنيه.
سهرة سعيدة.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
