النهارده في القاهرة: ورش جيتار وأفلام وزار ومسرح
Cairo 360
يلا ركزوا معانا كده، علشان في السطور اللي جاية هنعرف يومنا هيمشي إزاي بعد الشغل أو الجامعة. بنتكلم عن الخروجات إللي أكيد هتكون أحلى بمساعدة أجندة كايرو 360:
بيت السناري بينظم ورشة لتعليم الجيتار. وفيها المشتركين هيعرفوا كل حاجة عن القواعد والمفاهيم الموسيقية، وتكنيك العزف. الورشة هتبدأ الساعة 5:30 مساءً. ومدتها 8 حصص.
في وسط البلد، سينما دال هتعرض الفيلم الفرنسي “The Collector“. الفيلم بيدور عن شخص خطف واحدة في بيت معزول، وبدن أسباب واضحة. العرض هيبدأ الساعة 7:30 مساءً. والدخول مجانًا.
أما عشاق الفن الشعبي وأغاني الفلكلور، فلهم ميعاد مع فرقة مزاهر في مكان. اللي هتقدم عرض الزار. الحفلة هتبدأ الساعة 8 مساءً. وسعر التذكرة: 40 جنيه.
نروح لرووم آرت سبيس لليوم الثاني على التوالي، مع العرض المسرحي “نملسة“. وهو من طراز الكوميديا السوداء. العرض هيبدأ الساعة 8 مساءً، وهيكون النهارده وبكرة. سعر التذكرة: 50 جنيه.
سهرة سعيدة. وماتنسوش تعرفوا أجدد الأفلام في السينمات النهاردة من عندنا.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
