The Definitive Guide to Living in the Capital , Cairo , Egypt

يلا استعدوا وجهزوا نفسكم، لخروجات النهارده. من أجندة كايرو 360:

لو بتحبوا عرائس الماريونيت، مركز أوزيريس بيقدم ورشة “تصنيع الماريونيت“. وهتقدمها الفنانة سارة البطراوي. العرائس هتكون بخامة الكرتون، وهتعرفوا كل حاجة عن بنائها وتحريكها بأشكال مختلفة. الورشة مدتها 5 أيام، وهتبدأ الساعة 6 مساءً.

وفي رووم آرت سبيس، هيتعرض فيلم “One Flew Over The Cuckoo’s Nest“. الفيلم ضمن برنامج عروض دكة أضف. وبيدور عن راجل بيدخل السجن بسبب اغتصاب بنت صغيرة. وبيدعي الجنون علشان يحاول الهرب. العرض هيبدأ الساعة 8 مساءً. وفي حد أدنى للطلبات: 50 جنيه.

مركز مشكاة في المنيل، هيعرض فيلم “The Intern“. اللي بيدور عن رجل أرمل على المعاش، بيقرر إنه يرجع للحياة العملية. بس بشكل مختلفة عن أيام شغله زمان. العرض هيبدأ الساعة 6 مساءً. والدخول مجانًا.

يومكم سعيد.