انطلاق مشروع الأتوبيسات الكهربائية في شوارع القاهرة
أتوبيس كهرباء أتوبيسات الانتاج الحربي شوارع القاهرةMohamed Talaat
استلمت مصر أول أتوبيسين من الدفعة الأولى اللي بتتكون من 50 أتوبيس لمشروع الأتوبيسات اللي بتشتغل بالكهرباء، ودول هيتسلموا مع بداية 2020، وده علشان تجربهم في شوارع القاهرة، قبل ما توصل باقي الصفقة المتفق عليها مع شركة فوتون الصينية.
الاتفاق بيتضمن كمان تجميع 2000 أتوبيس خلال 4 سنوات بتصنيع محلي نسبته 45% وهيتم تجميعهم في مصنع إنتاج وإصلاح المدرعات تحت إشراف وزارة الإنتاج الحربي.
وفي حالة نجاح التجربة داخل القاهرة هيتم تعميمها في محافظات تانية بخطة هتشمل توفير 5000 أتوبيس، بهدف توطين صناعة المركبات الكهربائية فى مصر.
وبيعتبر الأوتوبيسين اللي تم استلامهم نموذج أولى للإستخدام التجريبى كعينة استرشادية علشان يقدر المتخصصين تحديد الفنيات والتقنيات اللي محتاجاها شوارع القاهرة، وهما هيكونوا محل اختبار دائم لبحث مدى مطابقتهما للعمل في القاهرة وتقييم معايير الجودة والأمان.