The Definitive Guide to Living in the Capital , Cairo , Egypt

الحياة في كايرو

بالرابط والخطوات.. إزاي تحجز تذكرتك لمعرض القاهرة الدولي للكتاب 2021؟

تذاكر معرض الكتاب حجز تذكرة معرض الكتاب رابط حجز تذكرة معرض الكتاب معرض القاهرة الدولي للكتاب
بالرابط والخطوات.. إزاي تحجز تذكرتك لمعرض القاهرة الدولي للكتاب 2021؟
بواسطة
Mohamed Talaat

الفترة دي فيه آلاف الأشخاص بيبحثوا عن كيفية حجز تذكرة معرض القاهرة الدولي للكتاب 2021 على موقع البحث الأشهر “جوجل”، وده بعد ما اتغيرت طريقة الدخول للمعرض بعد تفشي جائحة “كورونا”.. وعلشان نسهل عليكم الخطوة دي.. هنقول لكم كل تفاصيل حجز التذكرة.

ومعرض القاهرة الدولي للكتاب، بيعتبر واحد من أهم الأحداث الثقافية في العالم، وهيتم افتتاحه رسميًا يوم 30 يونيو وللجمهور في الأول من يوليو، وهتستمر فعاليات حتى 15 من الشهر نفسه.

وهيحتضن مركز مصر للمعارض الدولية بالتجمع الخامس بالعاصمة المصرية الحدث الثقافي المنتظر، واللي هيقام على إجمالي مساحة 80 ألف متر مربع، بواقع مساحة مستغلة تقدر بـ18591 متر مربع.

وهتستوعب 4 قاعات نحو 756 جناح لدور النشر المختلفة مقامة على مساحة إجمالية 40 ألف متر، بطاقة استيعابية بتقدر بـ١٠٠ ألف زائر يوميًا.

مواعيد دخول المعرض هتبدأ من 10 صباحًا وحتى ١٠ مساءً، أما يوم الجمعة فهتبدأ الزيارة في الواحدة ظهرًا وهتنتهي في العاشرة مساءً.

كيفية حجز تذكرة معرض القاهرة الدولي للكتاب 2021

بيشهد معرض القاهرة الدولي للكتاب السنة دي تدشين منصة رقمية تقدروا من خلالها حجز تذكرة الدخول لمقر المعرض والحصول عليها إلكترونيًا وده بيتم بشكل مجاني.

التسجيل للحصول على تذكرة الزيارة بيكون على الرابط الخاص بموقع المعرض، ومن الصفحة الرئيسية اضغطوا على خيار “احجز تذكرتك“، بعدها هتدخلوا البيانات الشخصية المطلوبة “الاسم – رقم الهاتف – البريد الإلكتروني- العمر- الجنسية – النوع”.

بعد الانتهاء من عملية التسجيل بيتم إرسال نسخة من التذكرة في رسالة نصية على “واتساب” للرقم المسجل، ورسالة تانية على البريد الإلكتروني بتحتوي على بوابة الدخول واليوم المحدد للزيارة.

بنفكركم بالالتزام بلبس الكمامة، ويكون معاكم مطهر، وبنتمنى لكم الاستمتاع بالزيارة.

مقترح