The Definitive Guide to Living in the Capital , Cairo , Egypt

لو كنتم طلاب في جامعة القاهرة فمن حقكم تحسوا بالسعادة والفخر، بسبب تفوق الجامعة علميًا في السنوات الأخيرة، وده أمر أثبتته كتير من التنصيفات المهمة والموثوقة.. ومؤخرًا كشف الدكتور محمد عثمان الخشت، رئيس جامعة القاهرة، عن تفوق الجامعة العريقة على كتير من الجامعات الأمريكية والأوروبية والآسيوية، في تخصصات الصيدلة والهندسة والطب، وده بحسب تصنيف QS الإنجليزي للتخصصات في نسخة مارس 2020.

وشرح الدكتور الخشت، إن جامعة القاهرة احتلت المركز 51- 100 في تخصص الصيدلة وعلوم الأدوية، وده خلاها تتفوق على جامعات بوسطن وميتشيجان وجورجيا بأمريكا، وكمان سبقت جامعات نيو كاسل وساوثهامبتون ببريطانيا، والجامعة التقنية في ميونيخ بألمانيا، وجت الجامعات دي في المركز 101- 150 بفارق 50 مركز عن جامعة القاهرة.

كمان جامعة القاهرة احتلت المركز 151- 200 في تخصص العلوم الطبية، وسبقت عدد من جامعات أمريكا وأوروبا، وأبرز الجامعات دي جامعة يورك ببريطانيا، وجامعتي دوسلدورف ودرسدن التقنية بألمانيا، وجامعات أريزونا وبردو إي أند إم بأمريكا.

كمان الجامعة تفوقت في قطاع الهندسة والتكنولوجيا وتقدمت 60 مركز مرة واحدة، وبقت في المركز 176 في 2020 بعد ما كانت في المركز 236 في سنة 2019 وبنسبة تقدم 25.5%، وسبقت جامعات أورووبية وأمريكية ويابانية، ومن أبرز الجامعات دي جامعة فلوريدا بأمريكا، وجامعة كيو باليابان، وجامعة كارديف البريطانية، وجامعة ليفربول البريطانية، وجامعة هامبورغ بألمانيا.

مبروك لجامعة القاهرة، ومبروك لكل طلابها الإنجاز الكبير ده!