The Definitive Guide to Living in the Capital , Cairo , Egypt

الزحمة في القاهرة مشكل كبيرة، ودي حاجة كلنا بنعاني منها سواء كنا بنستخدم عربيات أو حتى بنمشي على رجيلنا في شوارع العاصمة، علشان كده الحكومة المصرية طول الوقت بتفكر في حلول عملية للمشكلة دي.. والفترة دي شوفنا في القاهرة مجموعة محاور مرورية مهمة، سهلت حياتنا بدرجة كبيرة.. ومن أهم المحاور اللي هتظهر في القاهرة قريب، محور المستشار عدلي منصور، الجاري تنفيذه حاليًا شرق القاهرة، وفي السطور الجاية هنتعرف أكتر على تفاصيل المشروع المهم ده بحسب تقرير حديث نشره موقع اليوم السابع:

1 – عرض المحور 16 حارة مرورية بواقع 8 حارة لكل اتجاه.

2 – هيضم المحور 6 كباري سيارات و5 كباري مشاة.

3 – هيربط المحور طرق الإسماعيلية الصحراوي وبلبيس وشرق القاهرة مع مناطق غرب وشمال القاهرة ومناطق محافظة القليوبية ومحاور شبرا بنها وتحيا مصر والضبعة وطريق الإسكندرية الصحراوي.

4 – هيمثل المحور شريان مروري جديد هيعمل تطوير وانفراجة كبيرة في حركة العربيات ونقل المواطنين.

5 – المحور هيختصر الوقت خاصة بعد عملية توسعة الطرق المحيطة وإزالة العديد من الإشغالات والتعديات والمواقف العشوائية على جانبي الطرق.