The Definitive Guide to Living in the Capital , Cairo , Egypt

اختارت الهيئة المصرية العامة للكتاب شركة “مواصلات مصر” المتخصصة في مجال النقل العام علشان تكون الناقل الرسمي لزوار معرض الكتاب اللي هيعقد في دورته الـ 50 بمركز مصر للمعارض الدولية بالقاهرة الجديدة .

اختيار “مواصلات مصر” تم في إطار مذكرة التفاهم التي وقعتها الشركة مع الهيئة المصرية العامة للكتاب، وبناء عليه هتقوم “مواصلات مصر” بتوفير 32 أوتوبيس كبير لخدمة زوار المعرض من اليوم الأول لانطلاقه في 23 يناير 2019 ولحد 5 من فبراير الجاي .

وهتقوم الشركة بداية من 1 يناير 2019 وحتى إنتهاء فعاليات المعرض بتقديم خصومات 35% للركاب حاملي كارت “مواصلاتي” لتصل قيمة التذكرة في الكارت 8 جنيه للرحلة الواحدة بدل 12 جنيه، والاتفاق ده هدفه تشجيع الركاب على منظومة الدفع والتحصيل الإلكتروني.

وهيتم تسيير خطين لخدمة جماهير المعرض وهما M5، وM6  واللي بيخدم أماكن متفرقة بداية من موقف عبد المنعم رياض ومحطات مترو الأنفاق وصولًا إلى مركز مصر للمعارض الدولية بالقاهرة الجديدة.

وكافة أوتوبيسات الشركة تم تجهيزها بأهم الوسائل التكنولوجية اللي بيحتاجها الركاب بداية من خدمة الإنترنت اللاسلكي المجاني وشحن الهواتف الذكية وغيرها، وبتخدم خطوط الأوتوبيسات M5 القادمين من موقف عبد المنعم رياض مرورًا بميدان رمسيس وميدان العباسية ونادي السكة وصولًا إلى القاهرة الجديدة، بينما هيخدم خط M6 الركاب القادمين من محطة مترو سرايا القبة وميدان روكسي والكوربة بمصر الجديدة ومدينة نصر وصولًا إلى القاهرة الجديدة .

وتقدروا تشتروا كارت الدفع الذكي “مواصلاتي”من أي سائق من سائقي الخطين M5 و M6 وقيمته 40 جنيه من ضمنها 15 جنيه رصيد على الكارت، وقيمة الكارت 25 جنيه تُدفع لمرة واحدة، وممكن شحن الكارت بداية من 20 جنيه من أي ماكينة شحن فوري المنتشرة في أنحاء القاهرة الكبرى.

ومن فترة “مواصلات مصر” أعلنت عن تعاونها مع شركة جوجل العالمية لنقل تحركات شبكة مركباتها عبر تطبيق  Google Maps  وهيقوم التطبيق بعد تحديد نقطة الانطلاق بتحديد موعد وصول الأوتوبيس والمسافة المقطوعة.