The Definitive Guide to Living in the Capital , Cairo , Egypt

الحياة في كايرو

بلية.. أول ميكانيكي مصري على موبايلك

بلية.. أول ميكانيكي مصري على موبايلك
بواسطة
Mohammed Sabry

سواقة العربية مش بس إشارات واتجاهات وركنة، سواقة العربية محتاجة تكون عارف كل المشاكل والأعطال اللى ممكن تقابلك فيها. وإزاي تحدد المشكلة فين بالظبط، وإيه حلها.

وطبعًا أغلب اللي معاهم عربيات مش بيعرفوا يتصرفوا في أعطال عربياتهم. وبيضطروا يروحوا لأي ميكانيكي ممكن يستغل عدم فهمهم، فيدبسهم في مشاكل تانية. وعلشان كده، في مجموعة من شباب كلية هندسة قرروا أنهم يعملوا أول ميكانيكي أونلاين اسمه “بلية”.

الشباب دول باختصار عملوا حصر لكل مشاكل وأعطال العربية، أعراضها، والأسئلة اللي توصلك لها. وصمموا متحدث آلى تقدر تعمل معاه شات. فيقولك مشكلتك إيه، وإيه اللي محتاج تعمله، وتروح تصلحه فين. مش بس كده، دول بيجهزوا إنهم يضيفوا أسعار قطع الغيار، ويطوروا الموضوع بشكل أكبر.

ده لينك صفحة بلية.

الفكرة دي عظيمة جدًا. وهتساعد ناس كتير في تصليح عربياتهم بشكل مضمون. ده غير إنها هاتجنبهم استغلال بعض معدومي الضمير، خصوصًا في أسعار التصليح.

من هنا ورايح، خلي “بلية” معاك في كل مشاكل عربيتك.

مقترح