The Definitive Guide to Living in the Capital , Cairo , Egypt

محافظة القاهرة هتتغير تمامًا الفترة الجاية، وده بفضل الجهود اللي بتقوم بيها المحافظة في الفترة الأخيرة، ومن ضمن الحاجات الإيجابية اللي هتحصل في العاصمة، تحويل 100 ساحة انتظار للسيارات من ساحات عشوائية إلى إلكترونية في أكتر من منطقة، وده بهدف تنظيم انتظار السيارات والتصدى للعشوائية.

وبحسب تصريحات صحفية لمصدر من المحافظة، فالساحات المقرر تقنينها هتكون في نطاق، مصر الجديدة، وشرق مدينة نصر، والسلام أول، وكمان مناطق عابدين، وحدائق القبة، وحلوان، والمعصرة، والمعادي.

وأضاف المصدر إن النظام الإلكتروني، هيساعد في تقليل الزحام في الشوارع الرئيسية، من خلال توفير لافتات رسمية هتحدد لقائدي السيارات الأماكن المخصصة للانتظار ومكان ركن السيارة بالتحديد، إلى جانب وضع منظومة كاميرات لكل لساحة، وتحديد مقابل رسمي لفترة الانتظار.

وطبعًا كلنا عارفين إن عدد كبير من ساحات الانتظار في القاهرة بتسيطر عليه مجموعة من الأفراد، وبيفرضوا أسعار من غير سند قانوني، ده غير تكدس السيارات في الشوارع الرئيسية، وإعاقة حركة المرور.

وكان اللواء محمود شعراوي، وزير التنمية المحلية، قال في وقت سابق، إن الوزارة بتضع على رأس أولوياتها تطوير الساحات العشوائية في المحافظات، ومنها محافظة القاهرة.