تلفريك وأتوبيس كهربائي ضمن مخطط تطوير مصر القديمة
أتوبيس كهربائي الجمالية الفسطاط القاهرة الفاطمية تلفريك حديقة الأزهر حديقة الفسطاط عين الحياة عين الصيرة
Mohamed Talaat
منطقة “عين الحياة” أو “عين الصيرة” واحدة من مناطق مصر القديمة اللي بيتم التركيز عليها في خطط التطوير اللي بتتبناها محافظة القاهرة بالتعاون مع الجهات المعنية، ومؤخرًا نشر موقع “مصراوي” تفاصيل خاصة بمخطط تطوير بالمنطقة.
الجميل في التطوير ده إنه هيكون على أكتر من نطاق، سواء نطاق التنسيق الحضاري أو الجمالي أو التطوير في الأماكن والمواصلات، ومن ضمن الخطط اللي بتسعى المحافظة لتنفيذها خلال الفترة اللي جاية هيكون تشغيل أول تلفريك داخل القاهرة، إلى جانب أتوبيس كهربائي هيربطوا بين حديقة الفسطاط وحديقة الأزهر، والقاهرة الفاطمية ومنطقة “عين الحياة” اللي بيتم تطويرها بشكل محصلش قبل كده.
التلفريك هيكون هو وسيلة النقل بين حديقة الفسطاط في منطقة مصر القديمة، وحديقة الأزهر في حي الحسين، أما الأتوبيس الكهربائي فهيربط بين منطقة القاهرة الفاطمية ومنطقة الفسطاط.
مخطط محافظة القاهرة هدفه تعزيز الربط بين المناطق التاريخية من خلال منظومة نقل نظيفة ومستدامة، وهتشمل منظومة النقل والمواصلات دي أتوبيسات كهربائية بانورامية وتلفريك، ودرجات، مع توجه بالحد من استخدام العربيات الملاكي.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
