The Definitive Guide to Living in the Capital , Cairo , Egypt

كل يوم الزحمة بتزيد عن اليوم اللي قبله وهم الركنة في أماكن معينة بقى ممكن يبوظ المشوار ويخليك مش عاوز تروحه، ومن هنا كان لازم المسئولين يبدأوا يفكروا إيه الحل للزحمة دي. وبدأوا يناقشوا فكرة أنهم يعملوا جراجات تحت الأرض ويدرسوا الشوارع المناسبة للفكرة دي.

ومحافظة القاهرة بتفكر حاليًا أنها تنفذ جراجات ذكية، فيها أكتر من دور  وتستحمل  أكبر عدد ممكن من العربيات، والمفروض إن نظام الجراجات الجديد  ده اللي لسه ما تم تنفيذه هيبقى متاح فكه وتركيبه فى أى وقت ويصلح كمان  فى الساحات الكبيرة والصغيرة، وينفع يتعمل فى الأماكن الزحمة لتخفيف الازدحام، وفى الشركات والقطاع الخاص كمان.

وبحسب تصريح لمصطفى عبد العزيز، رئيس حى شرق مدينة نصر، فيه وفد ألمانى شاف عدد من الأماكن المقترحة فى الحى لبحث عمل جراجات إلكترونية عليها، وقال أن فيه 5 أماكن مقترحة لإنشاء جراجات إلكترونية، زي تقاطع شارع البطراوى مع عباس العقاد، وأن الوفد بيدرس الأماكن المقترحة ومدى صلاحيتها لتنفيذ الفكرة.

عندما أسئلة كتيرة عن المشروع ده، منها إمتى هيتم تنفيذه فعليًا؟ وهل فعلًا تنفيذه هيحل مشكلة الزحمة اللي بنعاني منها في القاهرة؟ نتمنى المستقبل يكون أفضل!