جوائز كايرو 360 لأفضل فنادق القاهرة لعام 2017
Cairo 360
القاهرة فيها فنادق كتير مشهورة ومعروفة. وكل فندق منهم بيتميز عن غيره بخدمات وتسهيلات مختلفة للنزلاء، ده غير إنها بتستضيف أهم الحفلات والفعاليات في القاهرة، وأكيد مش محتاجين نتكلم عن دورها الأساسي في تنمية السياحة.
ودي قائمة الفائزين بجوائز اختيارات المحررين لأفضل الفنادق لعام 2017:
فور سيزونس نايل بلازا- Four Seasons Nile Plaza
بأكبر سبا فى المدينة والعديد من أماكن اللاونج، ده غير الخدمة والرفاهية، فندق فور سيزونز نايل بلازا من أهم وأفضل الفنادق في القاهرة.
فور سيزونس فيرست ريزدنس- Four Seasons First Residence
فندق فور سيزون فيرست ريزدنس، بيتميز بالرقي والفخامة في الخدمات المطابقة للمواصفات العالمية.
فيرمونت هليوبوليس & تاورز- Fairmont Heliopolis & Towers
فندق فيرمونت هليوبوليس & تاورز فيه مطاعم وكافيهات كتيرة. ده غير أماكن السهر. وطبعًا ده بجانب الفخامة والرقي، بمستوى عالمي.
فندق ماريوت القاهرة – Cairo Marriott Hotel
لأنه كان قصر الخديوى إسماعيل في أواخر سنة 1800، وبعدها اتحول لفندق. قدر ماريوت القاهرة إنه يحافظ على رونق ورقي تاريخي خاص به.
فندق جي دبليو ماريوت – JW Mariott
ملعب الجولف اللي فيه، خلاه ياخد شهرة بسرعة. وبقى من أكثر الفنادق اللي بيتم تنظيم الفعاليات والمؤتمرات والأفراح فيها. وطبعًا ده بفضل خدمته الممتازة والأجواء الممتعة اللي بيوفرها.
دوسيت ثاني ليك فيو – Dusit Thani Lake View
بأطباقه الوهمية، والفخامة الأسيوية اللي كنا مفتقدينها، فندق دوسيت واخد مكانة ممتازة بين فنادق القاهرة. ده غير موقعه المتميز في القاهرة الجديدة، وسط الخضرة.
فندق كمبنسكي النيل – Kempinski Nile Hotel
فندق متميز بيجمع بين مميزات الفنادق الصغيرة، والأناقة والجودة الأوربية للفنادق الكبيرة.
فندق كونراد القاهرة – Conrad Cairo Hotel
أكيد فيو النيل مع المطاعم الفريدة، يضمن لأي مكان التميز بشكل كبير. ده بالإضافة للفخامة والخدمة المميزة.
فندق مينا هاوس بيتميز بعراقته والمنظر الساحر على الأهرامات.
سميراميس إنتركونتننتال- InterContinental Semiramis
غير منطقة الرووف المبهرة، فندق سميراميس إنتركونتننتال بيتميز بموقعه على أول الكورنيش، اللي بيسهل لعملائه التنقل في الأماكن المحيطة به.
ريتز كارلتون النيل – The Nile Ritz-Carlton
واحد من الفنادق اللي بتتميز بوجودها على كورنيش النيل. يعني مش بس الخدمة والرقي، لا كمان منظر النيل الجميل.
كمبنسكي رويال ماكسيم بالاس – Royal Maxim Palace Kempinski
الرفاهية والطابع الأوروبي الفخم، والخدمة الممتازة، كلها مميزات مش هتلاقيها غير في مكان واحد بس. فندق كمبنسكي رويال ماكسيم بالاس.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
