The Definitive Guide to Living in the Capital , Cairo , Egypt

العيد فاضل له ساعات.. في ناس بتستعد بالصيام.. وفي ناس نزلت تجيب اللبس الجديد والبيجامة الجديدة.. في ناس رتبت لسفرية حلوة استغلالًا لأجازة العيد الطويلة.. إحنا بقى بنفكر -طبعًا- في الأكل الكتير اللى هناكله.

ولأن العيد الكبير من غير الفتة ماينفعش..

جبنا لكم وصفة سهلة للفتة.. وبالهنا والشفا.

المقادير:

½ كج لحمة مسلوقة (اختاروا الجزء اللى بتحبوه)

2  كوب أرز أبيض، منقوع ومغسول ومصفى من الماء

3 رغيف خبز محمر فى زبدة مقطع الى قطع صغيرة

5 ملعقة كبيرة زبدة

10 فص ثوم، مفروم

2 كوب عصير الطماطم

4 كوب مرق لحم

4 ملعقة كبيرة زيت

1/4 كوب خل

ملح وفلفل أسود حسب الذوق

طريقة التحضير

نحمر ربع كمية الثوم بنصف ملعقة زبدة في قدر. ثم نضيف الطماطم. الملح والفلفل الأسود ونسيبها تتسبك.

نشوح الأرز في الزيت من غير ما يتغير لونه وبعدين  نضيف 2 كوب مرقة وملح وفلفل أسود ونسيبه يستوى.

ونحمر قطع الخبز الصغير في الزبدة أو الزيت .

كمان نحمر ربع تاني من كمية الثوم بنصف ملعقة سمن ثم نضيف نصف كمية الخل ثم كوب ونصف مرق. ملح وفلفل ونسيب الخليط على النار لحد ما يغلي.

نضع الخبز في إناء فخار أو صينية عميقة ونضع عليه خليط الثوم السابق ونسيب الخبز حتى يشرب الخليط.

وبعدين نحمر باقي كمية الثوم بملعقة زبدة ونحط باقي كمية الخل ثم نصف كوب مرقة.  ونحط ملح وفلفل أسود على وجه الفتة.

كمان نضيف الأرز فوق الخبز ونوزعه ثم نضع صلصة الطماطم ثم خليط الثوم فوقها.

نقوم بتحمير اللحم بباقي كمية الزبدة وترش فوقه ملح وفلفل أسود. ثم تصف قطع اللحم فوق الفتة بشكل دائري.

 

و كل سنة وأنتم طيبين.