The Definitive Guide to Living in the Capital , Cairo , Egypt

الشركة المصرية لإدارة وتشغيل وصيانة مترو الأنفاق، أعلنت إنها هتتيح خلال أيام استخراج اشتراكات المترو الشهرية، وشحن الكارت الذكي من خلال تطبيق “أبليكيشن” المحمول المترو الجديد.

وأكد المهندس علي الفضالي رئيس شركة مترو الأنفاق، إن الشركة بتسعى بكل الطرق لتقديم الخدمات المميزة لجمهور الركاب بالخطوط الثلاثة للمترو، وتابع إن تطبيق المحمول، هيمكن الركاب من استخراج الاشتراكات بأنواعها، وشحن الكارت الذكي اللي بيستخدم لركوب المترو، كمان هيقدر الراكب يعرف أقرب محطة من الموقع المتواجد فيه، واللي يقدر يركب المترو منها.

وقال الفضالي إن تطبيق “أبليكيشن” المترو الجديد بيحتوي على خريطة للخطوط الثلاثة لمساعدة الركاب على معرفة مسار الرحلة، وبيتم الربط مع خرائط جوجل العالمية لتحديد أقرب محطة للراكب من الموقع المتواجد فيه، وبيتضمن معلومات تعريفية عن المحطات المهمة بخطوط المترو والمعالم القريبة منها لتسهيل عملية وصول الراكب إليها، كمان بيحتوي على تعريف بالمخالفات والغرامات اللي ممكن يتعرض لها الراكب.

يذكر أنّ تطبيق “أبلكيشن” المترو بيقدم خدمة استقبال الشكاوى والاقتراحات والاستفسارات المقدمة لشركة المترو، وبيعرض إرشادات السلامة للركاب، وكمان بيعرض مشروعات تطوير مترو الأنفاق الجاري تنفيذها والمشروعات المنجزة لتعريف الجمهور بالإجراءات اللي بتتخذها شركة المترو لتحسين الخدمات.

وبيستهدف “الأبليكيشن” التسهيل على الركاب من خلال توفير الخدمة اللي بيحتاجها الركاب خلال استقلال مترو الأنفاق، وإتاحتها على التطبيق، بحيث يمكن للراكب الحصول عليها عبر الموبايلات بدل ما يتوجه إلى شبابيك الحجز أو مكاتب الاشتراكات في المحطات.

وبيشتغل “الأبليكشن” باللغتين العربية والإنجليزية باسم (مترو القاهرة ECM) للغة العربية وباسم (Cairo metro ECM) للغة الإنجليزية، وبيتضمن التطبيق معلومات تانية بتهم الركاب زي التغطية التأمينية من شركة المترو للركاب في حالة حدوث أي حوادث لا قدر الله.

لتفاصيل أكتر اضغطوا هنا.

لتحميل التطبيق اضغطوا هنا.