The Definitive Guide to Living in the Capital , Cairo , Egypt

الويد إند يا جماعة! يعني خروج وسعادة وتغيير جو علشان نرجع للشغل بموود مختلف، تعالوا نشوف إيه أجمد الحفلات والأنشطة اللي ممكن نحضرها في القاهرة من النهارده ولحد يوم السبت.. جاهزين؟

نبدأ بالنهارده الخميس، مع حفل الموسيقار الكبير عمر خيرت في حفل موسيقي على المسرح الكبير بدر الأوبرا المصرية. وسعر التذكرة: 200 – 350 – 500 جنيه. كمان لو عاوزين تجربوا حاجة جديدة فيه حفل لفرقة نوبانور واللي بتقدم مزيج من الموسيقى والرقص، والأغاني التراثية النوبية، على مسرح الضمة. و سعر التذكرة: 30 جنيه. ولأصحاب المزاج العالي النجمة أنغام عاملة  حفل غنائي على مسرح “ذا ماركي” بكايرو فستيفال سيتي مول. وسعر التذكرة من 300 إلى 1000 جنيه. برضه فيه حفل لفرقة الحضرة هيقدموا فيها مجموعة من الأناشيد والابتهالات في مركز الربع الثقافي. وسعر التذكرة: 40 جنيه.

وننتقل ليوم الجمعة، و حفل النجمة كارول سماحة على مسرح أوبرا جامعة مصر “ماست”. ويصاحبها الأوركسترا السيمفوني بقيادة سليم سحاب. وسعر التذكرة من 300 إلى 800 جنيه. أما في مساحة باب 18 بمصر الجديدة، فيه حفل غنائي هتحييه الفنانة دنيا أنيس، بصحبة عازف الجيتار عمرو بشر. وسعر التذكرة: 40 جنيه. ولعشاق أفلام السينما المختلفة مساحة بلكون هليوبوليس بمصر الجديدة، هتعرض الفيلم الفرنسي “Mommy”.  وسعر التذكرة: 25 جنيه. أما في قاعة النهر في ساقية الصاوي، هتلاقوا مهرجان “أي كا دولي”. وهيكون فيه  مجموعة من الأغاني والعروض النوبية. وسعر التذكرة: 35 – 40 جنيه.

ونختم  بيوم السبت، وهيستضيف مدار بالمعادي، حفل موسيقي يحييه فريق إيجيبادور. وسعر التذكرة: 60 جنيه. أما في ساقية الصاوي ففيه حفل للفنانة مي عبد العزيز في قاعة الحكمة بساقية الصاوي. وسعر التذكرة: 45 – 50 جنيه. برضه على مسرح الجمهورية  فيه حفل موسيقي هحييه عازف البيانو محمد فؤاد، وعازف الكمان منيب. وسعر التذكرة: 35 – 50 جنيه. أما في بيت السناري بالسيدة زينب، فيه حفل “ميكروفون” لعرض المواهب المختلفة. والدخول مجانًا.

لو عاوزين تعرفوا أكثر عن الأحداث اللي بننشرها كل يوم على مدار الشهر، تابعوا أجندتنا.

ويك إند سعيد!