The Definitive Guide to Living in the Capital , Cairo , Egypt

إنك تركب عربية نضيفة ومغسولة دي حاجة بتسعد كل اللي معاهم عربية، لكن وسط ارتفاع الأسعار اللي إحنا فيه أصبح موضوع غسيل العربية في البنزينة أمر مكلف جدًا، علشان كده حبينا نوفر عليكم تكلفة غسيل العربية، وهنقول لكم على شوية نصائح تخليكم تغسلوا العربية بنفسكم زي المحترفين.

قبل ما تغسل العربية لازم تتأكد أنها باردة، وتتجنب تعريضها لأشعة الشمس المباشرة. يُستحسن لو استخدمت ماء الشرب النظيف، وتختار شامبوهات للغسيل تعطي رغوة وفيرة.

إوعى تستخدم سائل تنظيف الأواني والأجهزة المنزلية في غسيل العربية علشان ميأثرش على لون العربية.

نضف العربية برشها بالماء في الأول، وبعدين استخدم قطعة سفنج بعد ما تحطها في الماء وتحط الصابون الخاص عليها.

ابدأ بتنضيف عربيتك من السقف وتنزل لتحت. واستخدم قطع قماش خاصة بتنظيف العربيات، واحدة لتجفيف العربية، والقطعة الثانية للتلميع.

خلي بالك جدًا أنك تنشف العربية وتخليها جافة علشان صاج العربية ما يصديش.

ممكن تستخدم مواد تلميع السيارة في الغسيل الخارجي، كمان ممكن تستخدم تعطر الصالون من جوه علشان تحس بنضافة العربية.

بعد ما تخلص غسل عربيتك، امشي بيها شوية في الهواء الطلق، لحد المياه كلها ما تنشف.