The Definitive Guide to Living in the Capital , Cairo , Egypt

مؤخرًا، نشرت مجلة السيارات الألمانية “أوتو جازيت”، نصائح عملية مهمة جدًا خاصة بتشغيل تكييف العربية خلال فصل الصيف، في السطور الجاية هنقولكم خلاصة التقرير ده اللي نشرته بالعربية وكالة الأنباء الألمانية.

أول نصيحة لـ “أوتو جازيت” هي عدم تشغيل مكيف هواء العربية على أقصى طاقة له خلال فصل الصيف، وكمان احرص على عدم توجيه الهواء البارد لجسمك بشكل مباشر، وده لتجنب الإصابة بمتاعب صحية زي الصداع وجفاف العين ونزلة البرد.

وبيقول الخبراء للمجلة إن درجة الحرارة المثالية لمكيف هواء العربية بتتراوح بين 21 و23 درجة مئوية، وخد بالك: الفرق بين درجة حرارة مكيف الهواء ودرجة الحرارة الخارجية لازم مايزيدش عن من 6 إلى 10 درجات، وده لتجنب حدوث مشاكل بالدورة الدموية عند النزول من العربية.

وعلشان يتمكن مكيف الهواء في العربية من خفض درجة حرارة صالون العربية بشكل فعال، لازم تحمي صالون عربيتك من أشعة الشمس، وده بالحفاظ على ركن العربية في الظل قدر الإمكان أو حماية النوافذ الجانبية بواسطة واقيات الشمس.

ومن ناحية تانية، أكدت “أوتو جازيت” إن مكيف الهواء في العربية بيفقد تقريبًا من 8 إلى 15% من مادة التبريد في السنة؛ علشان كده مطلوب منك إجراء أعمال الصيانة له كل سنتين على سبيل المثال، وخد بالك دائمًا إن انخفاض القدرة على التبريد معناه إن الوقت حان لإجراء الصيانة وللتأكد من إن دورة التبريد مافيهاش تسريب.