The Definitive Guide to Living in the Capital , Cairo , Egypt

الحياة في كايرو

دليلك للعروض الفنية داخل خيمة الفنون بمعرض القاهرة الدولي للكتاب

القاهرة معرض الكتاب، مخيم الفنون، فن
دليلك للعروض الفنية داخل خيمة الفنون بمعرض القاهرة الدولي للكتاب
بواسطة
Cairo 360

 كتبت: هند الشناوي

لو كنت من رواد معرض الكتاب وتعبت من مشاوير شراء الكتب وبتدور على مكان تفصل فيه من الزحمة، وفي نفس الوقت تستمتع بالعروض المميزة، كايرو 360 بترشح لك زيارة مخيم الفنون الموجود في المعرض خلف المسرح المكشوف مباشرة، أقرب مكان للوصول له هو بوابة المعرض في شارع صلاح سالم.

المخيم تابع للهيئة العامة لقصور الثقافة ومع مرور 49 سنة على تواجد معرض الكتاب، بيحتفل المخيم بمشاركته ال 49 برضه، والسنة دي المخيم بيحمل اسم الفنانة العظيمة الراحلة شادية تخليدًا لذكراها.

مخيم الفنون بيقدم يوميًا عروض فنون شعبية وموسيقية لفرق مختلفة من جميع المحافظات، والعروض دي بتبدأ يوميًا من الساعة 3 عصرًا لغاية الساعة 7 مساءً:

الخميس: 8 فبراير: فرقة “ملوي” للفنون الشعبية، فرقة “مصطفى كامل للموسيقى العربية، فرقة مرسى مطروح للفنون الشعبية.

الجمعة 9 فبراير: فرقة مرسى مطروح للفنون الشعبية، فرقة الوادي الجديد للفنون الشعبية، عروض التنورة التراثية.

السبت 10 فبراير: فرقة بني سويف للموسيقى العربية، فرقة الإسماعيلية للفنون الشعبية.

مش بس كده، الفعاليات جوه المخيم بتبدأ من الساعة 12 الضهر، لكل اللي عنده موهبة وحابب يشاركها مع الجمهور، دي فرصتك. إدارة المخيم بتقدم فرصة يومية لمدة ساعة وربع لأي حد موهوب في الغناء إنه يستعرض موهبته، وكمان فيه لجنة تقييم من الهيئة العامة لقصور الثقافة بتقيم المواهب دي وبتوفرلها فرص الانضمام لفرق الهيئة فيما بعد انتهاء المعرض.

ومن الساعة 1 ونص بيقدم مخيم الفنون عروض مسرحية  يوميًا تابعة للهيئة المصرية العامة للكتاب، بالإضافة لعرض يومي لفرقة حلايب وشلاتين التلقائية.

تقدر تجيب أسرتك كلها وتقضي وقت ممتع جوه المخيم، ومش هتدفع ولا مليم، لإن كل العروض مجانية، وأهم حاجة تروح المخيم بدري علشان تحجز مكانك لإن الحضور الجماهيري لمشاهدة العروض كبير جدًا.

مقترح