The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: أجمد الأنشطة الفنية والثقافية اللي هتحصل في الويك إند

دليلك لويك إند سعيد: أجمد الأنشطة الفنية والثقافية اللي هتحصل في الويك إند
بواسطة
Cairo 360

العمر عبارة عن شوية تجارب ومغامرات، وأجندة كايرو 360 بتقول لكم اخرجوا، واستمتعوا بكل الأنشطة اللي بتتميز بيها عاصمتنا. في السطور الجاية هنقول لكم على أهم الحفلات والأنشطة الثقافية اللي هتحصل في القاهرة.

نبدأ بيوم الخميس، وحفل فرقة المولوية المصرية مع الفنان عامر التوني في قاعة النهر في ساقية عبد المنعم الصاوي، وسعر التذكرة 50 جنيه.

برضه فرقة النهر الخالد هتقدم حفلة غنائية في مركز الربع الثقافي. سعر التذكرة: 30 جنيه.

ولمحبي المسرح هيكون فيه عرض “أرملة الصحراء”– فرقة الرقص المسرحي الحديث المصري على مسرح الجمهورية، وأسعار التذاكر: 50 – 35 – 25.

كمان فيه حفل الفنان يحيى خليل على المسرح الصغير في دار الأوبرا المصرية، وسعر التذكرة 100 جنيه.

ننتقل ليوم الجمعة، واحتفال دار الاوبرا المصرية بالمولد النبوى الشريف على المسرح الكبير في دار الأوبرا المصرية، وأسعار التذاكر 50 -75-100.

أما في علبة ألوان في وسط البلد، فهتستضيف حفلة غنائية للفنان “آدم ميلر”. وسعر التذكرة: 100 جنيه. التفاصيل من هنا.

وفي مركز جسور هيستضيف حفلة “دايرة الطبول”. مع مصطفى بكار. وسعر التذكرة: 30 جنيه.

ومفاجأة من نوع جديد في أستاد القاهرة هيستضيف حفلة “مهرجان نجوم الكاسيت”. اللي هيكون فيها نجوم فترة الثمانينات والتسعينات. وسعر التذكرة: 200 جنيه.

وعشاق الفن البورسعيدي استعدوا لعرض فريق صحبة سمسمية  واللي هيقدم حفلة غنائية في دا هاوس. وسعر التذكرة: 30 جنيه.

ونختم بيوم السبت، وعرض لفرقة أوبرا القاهرة – أوبرا “سر سوزانا” و”ميوزيكال” في معهد الموسيقى العربية، واللي هيقدم مختارات من أشهر المسرحيات الغنائية والأفلام العالمية، وسعر التذكرة 35 جنيه.

كمان رووم بتقدم ليلة فلكلور مع فرقة فاطمة عادل. وسعر التذكرة: 50 جنيه.

ولو عاوزين تتعلموا الغناء مركز دا هاوس في الدقي، بيقدم ورشة لتعليم الغناء. لكن لو عاوز تتعلم تصوير سينمائي فمركز سيما لفنون صناعة السينما، بيقدم ورشة “التصوير السينمائي”، مع سعيد شيمي. تكلفة الورشة: 2700 جنيه.

لو عاوزين تعرفوا أكثر عن أحداثنا اللي بننشرها كل يوم على مدار الشهر تابعوا أجندتنا.

ويك إند سعيد!

مقترح