Cairo 360
فرحتنا بيه ماتتوصفش، عامل زي ما تكون روحك ردت فيك تاني. إنه الويك إند يا سادة. وطبعًا ده معناه حفلات وانبساط. فهيا بنا على الفرفشة:
النهارده الخميس هيكون لنا ميعاد مع مسرحية “الملك لير” بطولة الفنان يحيى الفخراني. العرض هيبدأ الساعة 7 مساءً، على مسرح كايرو شو – الماركيه، في كايرو فستيفال سيتي.
الفنانة “دينا الوديدي” هتقدم حفلة غنائية في علبة ألوان. هيكون فيها أغاني ألبومها الجديد (منام). الحفلة هتبدأ الساعة 8 مساءً.
على المسرح الصغير في دار الأوبرا، هنستمتع بحفلة موسيقية للموسيقار “يحيى خليل“. الحفلة هتبدأ الساعة 7:30 مساءً.
يوم الجمعة هيكون فيه حفلة جامدة جدًا، بتجمع الكينج “محمد منير” وفريق شارموفرز. على مسرح الجامعة الأمريكية في التجمع الخامس. الحفلة هتبدأ الساعة 6 مساءً.
فريق “مونداليدا” هيقدم عدد من أغاني الفنانة داليدا، في درب 1718. الحفلة هتبدأ الساعة 8 مساءً.
أغاني ألبوم Nirvana tribute هيقدمها فريق “Seattle” في رووم آرت سبيس. الحفلة هتبدأ الساعة 9 مساءً.
أما يوم السبت فده مليان مفاجآت، نبدأها بحفلة النجم “مدحت صالح” على مسرح أوبرا مست. الحفلة هتبدأ الساعة 8 مساءً، وهتكون بقيادة المايسترو عمرو سليم.
وفي ساقية الصاوي ميعادنا مع حفلة تانية للنجم “علي الحجار” على مسرح النهر. الحفلة هتبدأ الساعة 8 مساءً.
رووم آرت سبيس هتستضيف الجميلة “داليا فريد“، اللي هتقدم أغاني ألبومها الجديد. الحفلة هتبدأ الساعة 9 مساءً.
كل ده وحفلات تانية أكتر هتلاقوها في أجندة كايرو 360 من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
