دليلك لويك إند سعيد: أجمد وأهم الحفلات والأنشطة اللي هتحصل في القاهرة
Cairo 360
وصلنا للويك إند، وويك إند يعني خروجات وفسح وتظبيط مزاج. يلا بينا على طول نعرف هنقضي الويك إند إزاي وفين؟
نبدأ بيوم الخميس، وحفلة لفرقة “الطنبورة البورسيعيدية” على مسرح الضمة في عابدين. الحفلة هتبدأ الساعة 8 مساءً، وسعر التذكرة: 30 جنيه.
أما فرقة “شوية فن” فهتحيي حفلة غنائي في الربع، بشارع المعز. الحفلة هتبدأ الساعة 8 مساءً. وسعر التذكرة: 30 جنيه.
وفيه مجموعة من الأغاني التراثية، هتقدمها فرقة “إستبينا” في رووم آرت سبيس. الحفلة هتبدأ الساعة 8:30 مساءً. سعر التذكرة: 50 جنيه.
نروح ليوم الجمعة، عندنا حفلة إنشاد لفرقة “الحضرة” في الربع. الحفلة هتبدأ الساعة 7 مساءً. وسعر التذكرة: 40 جنيه.
أما في رووم آرت سبيس بجاردن سيتي فهنستمتع بالفنانة “آسيا مدني” اللي هتقدم أغاني الفلكلور السوداني. الحفلة هتبدأ الساعة 8:30 مساءً. سعر التذكرة: 50 جنيه.
وفريق “جيبسي” هيقدم مجموعة من أغاني الجاز في علبة ألوان. الحفلة هتبدأ الساعة 8 مساءً. وسعر التذكرة: 60 جنيه.
وصلنا ليوم السبت، وفيه حفلة زار بلدي هتقدمها فرقة “أسياد الزار” على مسرح الضمة. الحفلة هتبدأ الساعة 8 مساءً. وسعر التذكرة: 30 جنيه.
ولعشاق الأفلام ميعادنا في سينما مجنوليا في الزمالك مع فيلم “Julieta“، واللي هيبدأ عرضه الساعة 7 مساءً، والدخول مجانًا.
والفنان “على الفاروق” هيقدم حفلة غنائية في مدار بالمعادي. الحفلة هتبدأ الساعة 8 مساءً. سعر التذكرة: 50 جنيه.
أجازة سعيدة.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
