Cairo 360
كل أسبوع بنحاول نوفر لكم الأحداث اللي تخليكم تقضوا أجازة سعيدة تقدروا ترجعوا بعدها لشغلكم وحياتكم بنشاط. ما بين معارض كتب وأفلام وحفلات ومعارض هتلاقوا أكيد حاجة تحضروها في الويك إند على ذوقكم.
ونبدأ بالنهارده يوم الخميس، وحفل إنشاد ديني لفرقة أبو شعر السورية على مسرح النهر في ساقية عبد المنعم الصاوي، وسعر التذكرة 75 جنيه.
برضه فرقة دراويش أبو الغيط هتقدم حفلة غنائية على مسرح الضمة. وسعر التذكرة: 40 جنيه.
ولمحبي السينما مركز سيما هيعرض فيلم أخضر يابس، وبعده هيكون فيه مناقشة للفيلم.
أما رووم فهي بتدعوكم لحفلة مع فرقة سكون. وسعر التذكرة: 75 جنيه.
وننتقل ليوم الجمعة، ومشروع إلى فيروز هيقدم حفلة من أغاني فيروز في درب 1718. وسعر التذكرة: 75 جنيه.
أما في الساقية ففيه حفل الشاعر هشام الجخ على مسرح قاعة النهر، وأسعار التذاكر تبدأ من 50 جنيه ولحد 150 جنيه.
وعلى مسرح قاعة الحكمة فيه حفل إنشاد للفنان محمد عاطف في الساقية برضه، وسعر التذكرة 40 جنيه.
برضه في رووم فيه ليلة جميلة من أغاني بينك فلويد مع فريق بارانويد آيز. وسعر التذكرة: 75 جنيه.
ونختم بيوم السبت، ودرب 1718 عاملة ورشة تعليم طبلة للمبتدئين مع هاني مرجان.
كمان رووم بتدعوكم لحضور سهرة جاز مع رباعي إنكور للجاز. وسعر التذكرة: 75 جنيه.
أما في القلعة ففيه حفل للفنان إيمان البحر درويش في قاعة المحكى 2 وسعر التذكرة 15 جنيه.
ولعشاق الكتب ففيه معرض لعرض الكتب والندوات وحفلات التوقيع في قاعة الأرض والكلمة والحديقة في ساقية عبد المنعم الصاوي، والدعوة عامة.
لو عاوزين تعرفوا أكتر عن الأحداث اللي بننشرها كل يوم على مدار الشهر تابعوا أجندتنا.
ويك إند سعيد!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
