The Definitive Guide to Living in the Capital , Cairo , Egypt

زي كل أسبوع بنحاول نوفر لكم أفضل الأحداث اللي بتحصل في القاهرة علشان تستمتعوا بوقتكم دايمًا وخاصة في الويك إند.

نبدأ بالنهارده يوم الخميس، وحفل فرقة أوسكاريزما على مسرح قاعة الحكمة في ساقية عبد المنعم الصاوي، وسعر التذكرة 35 جنيه.

كمان فرقة أسياد الزار هتقدم حفلة غنائية، على مسرح الضمة في عابدين. وسعر التذكرة: 40 جنيه.

ولعشاق السينما، سينما نون هتعرض الفيلم الوثائقي القصير كلام. وسعر التذكرة: 35 جنيه.

برضه ممكن تبقى سهرة كوميدية  مع الحزب الكوميدي هيقدم حفلة استاند أب كوميدي في  302Labs.

وننتقل ليوم الجمعة، وحفل الفنانة منال يحيى وفرقتها على مسرح الحكمة بساقية الصاوي، وسعر التذكرة 50 جنيه.

كمان في رووم هيكون فيها حفلة لأغاني فيروز، هتقدمها نوران أبوطالب، والباص جيتار سامر جورج. وسعر التذكرة: 75 جنيه.

برضه فريق كايروكي هيقدموا حفلة غنائية في داندي ميجا مول.

وفيه برضه حفل فرقة أوبرا القاهرة واللي هتقدم أشهر الأغاني والمسرحيات العالمية على مسرح معهد الموسيقى العربية، وسعر التذكرة 35 جنيه.

ونختم بيوم السبت، وحفل الفنان شادي مؤنس على مسرح قاعة الحكمة في ساقية عبد المنعم الصاوي، وسعر التذكرة 50 جنيه. 

كمان عمر عتمان هيقدم حفلة أكوستيك في بدايات. وسعر التذكرة: 70 جنيه.

أما في رووم آرت سبيس بتدعوكم لحضور ليلة موسيقية متميزة جدًا مع فرقة إستبينا. وسعر التذكرة: 75 جنيه.

ده غير حفل فرقة الأخوة أبو شعر السورية على مسرح النهر بساقية عبد المنعم الصاوي، وسعر التذكرة 75 جنيه.

لو عاوزين تعرفوا أكتر عن الأحداث اللي بننشرها كل يوم على مدار الشهر، تابعوا أجندتنا.

ويك إند سعيد!