دليلك لويك إند سعيد: أحلى حفلات وعروض أفلام ومسرحيات في القاهرة
أغاني أوبرا الضمة حفلات خروجات مختلفة رووم ساقية سينما مسرح ويك إند سعيد
Cairo 360
كل يوم بنحاول نوفر لكم أحلى الأحداث اللي تخليكم تستمتعوا بأجازة مختلفة ما بين مسرح وسينما وحفلات، تعالوا نعرف مع بعض أهم الأحداث اللي هتحصل في القاهرة في الويك إند.
نبدأ بالنهارده يوم الخميس، وحفل فرقة بن عربي للإنشاد على مسرح النهر بساقية عبد المنعم الصاوي، وأسعار التذاكر، 75 جنيه و100 جنيه.
كمان فرقة دراويش أبو الغيط هتقدم حفلة غنائية على مسرح الضمة في عابدين. وسعر التذكرة: 40 جنيه.
برضه الفنانة التونسية عبير نصراوي هتقدم حفلة غنائية على مسرح الجنينة.
أما كادر 68 فهيعرض فيلم I Origins. وسعر التذكرة: 25 جنيه.
وننتقل ليوم الجمعة، وحفل فرقة الحضرة على مسرح قاعة النهر في ساقية عبد المنعم الصاوي، وسعر التذكرة 75 جنيه.
برضه فيه عرض بهية على مسرح الجمهورية مع فرقة فرسان الشرق للتراث، وأسعار التذاكر 25-35-50.
أما في ييلو أمبريلا في المعادي فهتستضيف مهرجان للأفلام القصيرة.
كمان فرقة صدى ذات على مسرح الحكمة بساقية عبد المنعم الصاوي، وسعر التذكرة 65 جنيه.
ونختم بيوم السبت، وبث مباشر من المتروبوليتان لعرض فتاة من الغرب على المسرح الصغير بدار الأوبرا المصرية.
برضه في رووم آرت سبيس بيدعوكم لحفلة چاز، مع رباعي نهى فكري للچاز. وسعر التذكرة: 75 جنيه.
أما في مركز سيماتك هيعرض فيلم Claudine. وسعر التذكرة: 25 جنيه.
كمان في أوزيريس هتلاقوا عرض أفلام باسم ليلة في حب عطيات الأبنودي. وعرض 3 أفلام قصيرة لها.
لو عاوزين تعرفوا أكتر عن الأحداث اللي بنشرها كل يوم على مدار الشهر، تابعوا أجندتنا.
ويك إند سعيد!
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
