The Definitive Guide to Living in the Capital , Cairo , Egypt

الويك إند ده مختلف وجديد، وده لإننا جبنالك خروجات وسهرات من القاهرة والأسكندرية كمان، مش هتلاقيها غير في أجندة “كايرو 360”.. تعالى نشوف هنروح فين الويك إند ده:

 

النهارده الخميس.. فلو كنت بتصيف في الإسكندرية، ممكن تسهر سهرة حلوة مع باند “مسار إجباري” اللي هيقدموا حفلة على المسرح الروماني ضمن فعاليات “المهرجان الصيفى للموسيقى والغناء” اللي بتنظمه دار الأوبرا. الحفلات بتبدأ الساعة 9. سعر التذكرة: 160 جنيه.

 

لو ليك في الصعيدي يبقى الساعة 8 نتقابل في “ساقية الصاوي” علشان نحضر حفلة فيوجن ميوزك صعيدي هتقدمها فرقة “واه يا بوي“. سعر التذكرة : 60 جنيه.

 

أما “رووم آرت سبيس”- فرع جاردن سيتي، فهيستضيفوا حفلة لثلاثي الموسيقى العالمية “أورين تريو” الساعة 9 بالليل. سعر التذكرة: 100 جنيه. 

 

 

 

يوم الجمعة..الساعة 6:30 عندك معاد في مسرح “الطليعة” في العتبة، علشان تتفرج على العرض المسرحي “نوح الحمام“. أسعار التذاكر: 20 جنيه و 10 جنيه للطلبة. 

 

أما لو كنت في الإسكندرية، فممكن جدًا من الساعة 9 تكون في المسرح الروماني علشان تحضر حفلة فريق “وسط البلد“. سعر التذكرة: 45 جنيه.

 

 

يوم السبت.. الفنان “أدهم سليمان” هيقدم حفلة غنائية جديدة على مسرح النهر في ساقية الصاوي. سعر التذكرة: 80 جنيه. الحفلة هتبدأ الساعة 7.

 

أما “أسياد الزار” فهيكونوا موجودين الساعة 9 على مسرح الضمة في عابدين. سعر التذكرة: 50 جنيه.

 

رووم آرت سبيس فرع التجمع هيكون فيها سهرة مختلفة من الساعة 9 مع أغاني الفنان العالمي “إلفيس بريسلي” هتقدمها “إلفيس باند“. سعر التذكرة: 100 جنيه.